मल्हारपेठच्या श्री संत तुकाराम विद्यामंदिरचा एसएससी निकाल ९८.३८ टक्के; कावेरी कदम व वरद पाटील संयुक्त प्रथम

मल्हारपेठ (आपलं फलटण प्रतिनिधी) येथील श्री संत तुकाराम विद्यामंदिर व ज्युनिअर कॉलेज यांनी इयत्ता दहावीच्या एसएससी परीक्षेत उल्लेखनीय यश संपादन करत ९८.३८ टक्के निकालाची उज्ज्वल परंपरा कायम राखली आहे. विद्यालयातील विद्यार्थ्यांनी गुणवत्ता यादीत चमकदार कामगिरी नोंदवत शाळेच्या शैक्षणिक गुणवत्तेचा ठसा उमटविला.
यंदा परीक्षेस १२४ विद्यार्थी बसले होते. त्यापैकी १२२ विद्यार्थी यशस्वी ठरले. विशेष म्हणजे ९० टक्क्यांपेक्षा अधिक गुण मिळविणाऱ्या ६ विद्यार्थ्यांनी विशेष प्राविण्य मिळविले, तर ८० टक्क्यांपेक्षा अधिक गुण २८ विद्यार्थ्यांनी संपादन केले. तसेच ४२ विद्यार्थ्यांनी डिस्टिंक्शन तर ३७ विद्यार्थ्यांनी प्रथम श्रेणीत यश मिळवून विद्यालयाच्या गुणवत्तापूर्ण निकालात भर घातली.
विद्यालयात कु. कावेरी मानसिंग कदम व वरद विकास पाटील यांनी प्रत्येकी ९४ टक्के गुण मिळवत संयुक्त प्रथम क्रमांक पटकाविला. कु. संचिताकृष्णा चव्हाण हिने ९३.२० टक्के गुणांसह तृतीय क्रमांक मिळविला. श्रेयश अमोल वाकळे याने ९२ टक्के, कु. आदिती दिलीप यादव हिने ९१.२० टक्के, तर कु. तेजस्विनी उद्धव देसाई हिने ९०.८० टक्के गुण मिळवत गुणवत्ता यादीत स्थान मिळविले.
तसेच श्रद्धा पडवळ, रेवा चव्हाण, अक्षरा जाधव, नील चव्हाण, विघ्नेश चव्हाण, जयंत कोळी, श्रावणी देसाई, श्रावणी मोहिते, श्रेयशी देवकांत, श्रावणी कोळी, कस्तुरी देसाई, ऋतुजा पडवळ, रागिणी माटेकर, सार्थक पवार, अनुज थोरात, सानवी माने, प्रतीक देसाई, संस्कृती मस्के, प्रथमेश देसाई, शिवम चव्हाण, पायल चव्हाण आणि अक्षरा गायकवाड या विद्यार्थ्यांनीही उल्लेखनीय गुण मिळवत विद्यालयाच्या यशात मोलाचा वाटा उचलला.
या यशाबद्दल प्राचार्य संजय पवार, वर्गशिक्षक एस.एस. मोहिते, ए.जे. पाटील, पी.आर. पाटील यांच्यासह सर्व शिक्षक, शिक्षकेतर कर्मचारी, शाळा व्यवस्थापन समिती तसेच मल्हारपेठ पंचक्रोशीतील ग्रामस्थांनी विद्यार्थ्यांचे व पालकांचे अभिनंदन केले. विद्यालयाच्या सातत्यपूर्ण गुणवत्तेमुळे परिसरात आनंदाचे वातावरण निर्माण झाले आहे.