संपादक : पोपट मारुती मिंड
आपलं फलटण: जनसेवेला समर्पित प्रदीर्घ कार्याचा गौरव करण्यासाठी प्रल्हादराव साळुंखे-पाटील यांच्या ७५ व्या अमृत महोत्सवी वाढदिवसानिमित्त दि. ६ ऑक्टोबर रोजी सुरवडी येथील रॉयल पॅलेस मंगल कार्यालयात विशेष सत्कार सोहळ्याचे आयोजन करण्यात आले आहे. सायंकाळी ५ वा. हा सोहळा होणार असून, त्यानंतर उपस्थितांसाठी स्नेहभोजनाचे आयोजन करण्यात आले आहे.
या सोहळ्यास ग्रामविकास मंत्री जयकुमार गोरे, सार्वजनिक बांधकाम मंत्री शिवेंद्रसिंहराजे भोसले, खासदार उदयनराजे भोसले आणि माजी खासदार रणजितसिंह नाईक निंबाळकर यांची प्रमुख उपस्थिती राहणार आहे. फलटणचे नगराध्यक्ष समशेरसिंह नाईक निंबाळकर,आमदार महेश शिंदे, आमदार मनोजदादा घोरपडे, आमदार सचिन पाटील, आमदार डॉ. अतुलबाबा भोसले, माजी आमदार मदन भोसले, आनंदराव नाना पाटील, तालुक्यातील विविध संस्थांचे पदाधिकारी जि. प./ प. स. सदस्य यांच्यासह राजकीय, सामाजिक व विविध क्षेत्रांतील मान्यवर उपस्थित राहणार आहेत.
प्रल्हादराव साळुंखे-पाटील यांनी आपल्या प्रदीर्घ वाटचालीत पदापेक्षा माणुसकी आणि जनसेवेला प्राधान्य दिले. गरिबांच्या अश्रूंना आधार देत समाजातील विविध घटकांशी जिव्हाळ्याचे नाते निर्माण करणाऱ्या त्यांच्या कार्याची विविध स्तरांतून दखल घेण्यात आली आहे.
संघर्ष, सामाजिक बांधिलकी आणि जनसेवेच्या माध्यमातून त्यांनी सर्वसामान्यांच्या मनात निर्माण केलेला विश्वास हीच त्यांच्या ७५ वर्षांच्या जीवनप्रवासाची मोठी कमाई मानली जात आहे. त्यांच्या अमृत महोत्सवी वाढदिवसानिमित्त आयोजित हा सत्कार सोहळा त्यांच्या कार्याप्रती कृतज्ञता व्यक्त करणारा ठरणार आहे.
या गौरव सोहळ्यास नागरिकांनी मोठ्या संख्येने उपस्थित राहून कार्यक्रमाची शोभा वाढवावी असे आवाहन नगराध्यक्ष समशेर सिंह अनेक निंबाळकर, फलटण पंचायत समितीच्या सभापती शिवांजली विक्रमसिंह भोसले व पंचायत समिती सदस्य धनंजय साळुंखे पाटील यांनी केले आहे.
