संपादक : पोपट मारुती मिंड
फलटण, दि. ३ : शिक्षण हेच समाज परिवर्तनाचे प्रभावी माध्यम असून, गरजू व होतकरू विद्यार्थ्यांना आधार देत त्यांच्यातील गुणवत्तेला प्रोत्साहन देण्याचे कार्य सोनिया चॅरिटेबल ट्रस्ट, फलटणच्या माध्यमातून गेली २२ वर्षे सातत्याने सुरू आहे. सनी अहिवळे व सौ. सुपर्णा अहिवळे यांचे हे कार्य समाजासाठी प्रेरणादायी आणि कौतुकास्पद असल्याचे प्रतिपादन आमदार सचिन पाटील यांनी केले.
सोनिया चॅरिटेबल ट्रस्ट, फलटणच्या वतीने बुद्ध बंगला, मंगळवार पेठ येथे इयत्ता १० वी व १२ वी परीक्षेत यश संपादन केलेल्या गुणवंत विद्यार्थ्यांचा गुणगौरव सोहळा उत्साहात पार पडला. यावेळी अध्यक्षस्थानावरून ते बोलत होते.
कार्यक्रमास नगराध्यक्ष समशेरसिंह नाईक निंबाळकर, उपनगराध्यक्षा सौ. प्रियदर्शनी भोसले, विजय येवले, नगरसेवक सचिन अहिवळे, सुदाम मांढरे, नगरसेविका मीना काकडे, सिद्धाली अनुप शहा, बी. टी. जगताप यांच्यासह सामाजिक, शैक्षणिक व राजकीय क्षेत्रातील मान्यवर आणि परिसरातील नागरिक मोठ्या संख्येने उपस्थित होते.
यावेळी बोलताना नगराध्यक्ष समशेरसिंह नाईक निंबाळकर यांनी, “फलटणच्या उज्ज्वल भविष्यासाठी सोनिया चॅरिटेबल ट्रस्टचे योगदान मोलाचे आहे. शिक्षणातूनच समाजात सकारात्मक परिवर्तन घडू शकते, हे अहिवळे कुटुंबीयांनी आपल्या कार्यातून सिद्ध करून दाखविले आहे,” असे सांगितले.
माजी नगरसेवक सनी अहिवळे यांनी आपल्या मनोगतात, “बुद्ध निवासच्या दारात आलेल्या कोणत्याही विद्यार्थ्याला आम्ही रिकाम्या हाताने परत पाठविले नाही. भविष्यातही ‘मिशन १०० डॉक्टर-इंजिनिअर’सारखे उपक्रम राबवून ग्रामीण भागातील विद्यार्थ्यांना मुख्य प्रवाहात आणण्यासाठी प्रयत्नशील राहू,” अशी ग्वाही दिली.
सनी अह
