संपादक : पोपट मारुती मिंड
फलटण (आपलं फलटण )फलटण एज्युकेशन सोसायटी संचलित मुधोजी हायस्कूल व ज्युनिअर कॉलेज चा सन २०२५-२६ या शैक्षणिक वर्षातील इयत्ता दहावी (एसएससी) परीक्षेचा निकाल ९३.७२ टक्के लागला असून विद्यार्थ्यांनी घवघवीत यश संपादन करत विद्यालयाच्या उज्ज्वल निकालाची परंपरा कायम राखली आहे. यंदाच्या निकालात विशेषतः मुलींनी उल्लेखनीय कामगिरी करत प्रथम तीन क्रमांकांवर आपले वर्चस्व सिद्ध केले.
महाराष्ट्र राज्य माध्यमिक व उच्च माध्यमिक शिक्षण मंडळ, पुणे यांच्या वतीने घेण्यात आलेल्या दहावीच्या परीक्षेस विद्यालयातून एकूण ७३३ विद्यार्थी बसले होते. त्यापैकी तब्बल ६८७ विद्यार्थी उत्तीर्ण झाले. गुणवत्तेच्या दृष्टीनेही विद्यालयाने उल्लेखनीय यश संपादन केले असून विशेष श्रेणी १८५, प्रथम श्रेणी२६०, १७९ द्वितीय श्रेणी१७९ तर उत्तीर्ण श्रेणीत ६३ विद्यार्थी यशस्वी झाले.
विद्यालयाच्या गुणवंत विद्यार्थ्यांमध्ये प्रथम क्रमांक कु. जान्हवी हंबीर लांडगे व कु. सई रामदास शिंदे यांनी संयुक्तपणे पटकाविला. दोघींनाही ५०० पैकी ४८२ गुण मिळाले असून त्यांची टक्केवारी ९६.४० इतकी आहे. सातत्यपूर्ण अभ्यास, शिक्षकांचे मार्गदर्शन आणि पालकांचे सहकार्य यामुळे हे यश मिळाल्याची भावना विद्यार्थिनींनी व्यक्त केली.
द्वितीय क्रमांक कु. वेदांतिका विकास कणसे-पाटील ९४.४० टक्के गुणांसह पटकाविला. तर कु. श्रेया नितीन कदम हिने ९३.६० टक्के गुणांसह तृतीय क्रमांक मिळविला. विद्यालयातील विद्यार्थ्यांनी विविध विषयांमध्येही उत्कृष्ट गुणवत्ता दाखवून आपली शैक्षणिक क्षमता अधोरेखित केली.
संस्कृत व गणित विषयात शतप्रतिशत गुणांची चमक
विद्यालयातील कु. सई रामदास शिंदे हिने संस्कृत विषयात १०० तसेच गणित विषयात आर्यन रूपचंद शिंदे, आदित्य संदीप बोडके आणि मयंक स्वप्निल दोशी या विद्यार्थ्यांनी १०० गुण मिळवत दैदिप्यमान कामगिरी केली. या गुणवंत विद्यार्थ्यांचे सर्व स्तरातून कौतुक होत आहे.
विद्यालयाच्या या यशाबद्दल आमदार रामराजे नाईक निंबाळकर, माजी आमदार दीपकराव चव्हाण, फलटण कृषी उत्पन्न बाजार समितीचे सभापती रघुनाथराजे नाईक निंबाळकर, सातारा जिल्हा परिषदेचे माजी अध्यक्ष संजीवराजे नाईक निंबाळकर, संस्थेचे प्रशासन अधिकारी अरविंद निकम, तपासणी अधिकारी दिलीप राजगुडा, सहायक तपासणी अधिकारी सुधीर अहिवळे, प्राचार्य वसंतराव शेडगे, माध्यमिक विभागाचे उपप्राचार्य ए. वाय. ननवरे, ज्युनिअर कॉलेज उपप्राचार्य सोमनाथ माने, पर्यवेक्षक रावसाहेब निंबाळकर, राजेंद्र नाळे, पर्यवेक्षिका पूजा पाटील, संस्थेचे नियामक मंडळ सदस्य, शाळा व्यवस्थापन समिती सदस्य, शिक्षक व शिक्षकेतर कर्मचारी यांनी गुणवंत विद्यार्थ्यांचे अभिनंदन करून पुढील शैक्षणिक वाटचालीस शुभेच्छा दिल्या.
