संपादक : पोपट मारुती मिंड
फलटण( आपलं फलटण प्रतिनिधी) तालुक्यातील काळज येथे महात्मा फुले कृषी विद्यापीठ राहुरी संलग्न फलटण एज्युकेशन सोसायटी अंतर्गत कृषी महाविद्यालयाच्या कृषिदुतांनी ‘ग्रामीण जागरूकता कार्यानुभव व औद्योगिक जोड प्रकल्प कार्यक्रमांतर्गत व्यावहारिक शेती बद्दलचे एप्लीकेशन बाबत प्रात्यक्षिक दाखवून शेतकऱ्यांना मार्गदर्शन केले.
यावेळी कृषीदूत अभिजीत पिसाळ रोहन माळी यश पाटील राहुल पावरा, सुरज शिंदे अभिषेक राक्षे साहिल शिंदे यांनी ई पिक पाहणी,अॅग्रोस्टार, पी एम किसान, आधी मोबाईल शेती विषयक एप्लीकेशन ची ओळख शेतकऱ्यांना करून दिली तसेच याबाबत मार्गदर्शन केले. या ॲपद्वारे बाजार भाव प्रगतशील शेतीची माहिती मिळून शेतीला डिजिटल अर्थनियोजन करण्यासाठी कशी मदत होते याविषयी माहिती दिली
कृषिमहाविद्यालयाचे प्राचार्य डॉ. यू. डी. चव्हाण, श्रीमंत शिवाजीराजे उद्यानविद्या महाविद्यालयाचे प्राचार्य डॉ. एस. डी. निंबाळकर, कार्यक्रम समन्वयक प्रा. निलिमा धालपे, कार्यक्रम अधिकारी प्रा. सुरेश साळुंखे, प्रा. नीतिषा पंडित, प्रा.जी.बी अडसूळ यांच्या मार्गदर्शनाखाली हा उपक्रम पार पडला.
