संपादक : पोपट मारुती मिंड
फलटण (आपलं फलटण) सद्गुरू प्रतिष्ठान संचलित ब्रिलियंट अकॅडमी इंग्लिश मीडियम स्कूलने दहावीच्या परीक्षेत शंभर टक्के निकालाची परंपरा कायम राखत उल्लेखनीय यश संपादन केले. विद्यार्थ्यांच्या गुणवत्तापूर्ण कामगिरीमुळे परिसरातून शाळेवर अभिनंदनाचा वर्षाव होत आहे.
या परीक्षेत अनुज विजय अब्दागिरे याने 96.20 टक्के गुण मिळवत प्रथम क्रमांक पटकावला. त्याला गणित विषयात 100 पैकी 100 गुण मिळालेत. भाव्या राहुल तपासे हिने 94.20 टक्के गुणांसह द्वितीय क्रमांक , तर संस्कृती ज्ञानेश्वर बिटले हिने 89.20 टक्के गुण मिळवत तृतीय क्रमांक मिळविला.
विद्यार्थ्यांचे संस्थेचे संस्थापक दिलीपसिंह भोसले, संचालक ॲड. सौ. मधुबाला भोसले, सचिव रणजितसिंह भोसले, सर्व संचालक, प्रशासकीय संचालिका तथा उपनगराध्यक्ष सौ. प्रियदर्शनी भोसले, मुख्याध्यापिका सौ. नाजनीन शेख, शिक्षकवृंद व पालकांनी विद्यार्थ्यांचे कौतुक करून अभिनंदन केले.
