संपादक : पोपट मारुती मिंड
फलटण (आपलं फलटण) येथील सहकार महर्षी हणमंतराव पवार हायस्कूल व जुनियर कॉलेजचा दहावीचा निकाल ९८.९६ टक्के लागला. विद्यालयाने उच्चत्तम निकालाची उज्ज्वल परंपरा कायम राखली आहे. विद्यालयाच्या यशामुळे विद्यार्थी, पालक व शिक्षकांमध्ये आनंदाचे वातावरण निर्माण झाले आहे.
विद्यालयातील ९७ विद्यार्थी परीक्षेस बसले होते. त्यापैकी ९६ विद्यार्थी उत्तीर्ण झाले असून विद्यालयाने उल्लेखनीय यश मिळवले आहे. विद्यार्थ्यांनी उत्कृष्ट गुणवत्तेच्या जोरावर विद्यालयाच्या शैक्षणिक गुणवत्तेचा ठसा उमटवला आहे.
शाळास्तरावर कु. श्रेया संतोष जाधव हिने ९६.४० टक्के प्रथम क्रमांक कु. अनुष्का सचिन सस्ते हिने ९५.२० टक्के गुणांसह द्वितीय तर कु. वैष्णवी सूर्यकांत ढोक हिने ९४.४० टक्के गुण मिळवत तृतीय क्रमांक संपादन केला.
या यशस्वी विद्यार्थ्यांचे श्री सद्गुरु हरिबुवा महाराज शिक्षण संस्थेचे संस्थापक दिलीपसिंह भोसले, अध्यक्ष तुषार गांधी, सचिव ॲड. सौ. मधुबाला भोसले, सर्व संचालक, प्रशासकीय संचालिका सौ. स्वाती फुले, प्राचार्य नागेश पाठक, आनंदवन प्राथमिक विद्यामंदिरचे मुख्याध्यापक प्रदीप चव्हाण, सर्व शिक्षक, शिक्षकेतर कर्मचारी व पालकांनी अभिनंदन केले
