संपादक : पोपट मारुती मिंड
फलटण (आपलं फलटण) : गुणवरे (ता. फलटण) येथील ब्लूम इंग्लिश मीडियम स्कूल अँड ज्युनिअर कॉलेजने गेल्या १२ वर्षांत गुणवत्तापूर्ण शिक्षणाच्या बळावर उल्लेखनीय यश संपादन करत आता विस्ताराची नवी दिशा पकडली आहे. संस्थेच्या वतीने राजुरी (कुरवली पाटी), आसू, राजाळे (ता. फलटण) तसेच शिंदेवाडी (ता. माळशिरस) येथे शैक्षणिक वर्ष २०२६–२७ पासून चार नव्या शाखांचा शुभारंभ करण्यात येणार असल्याची माहिती संस्थेच्या सचिव साधना संभाजी गावडे यांनी दिली.
या विस्ताराचा शुभारंभ गुढीपाडव्याच्या शुभमुहूर्तावर, गुरुवार दि. १९ मार्च रोजी सकाळी ९.३० वा. राजुरी (कुरवली पाटी) येथे मान्यवरांच्या उपस्थितीत होणार आहे. या उपक्रमामुळे ग्रामीण भागातील विद्यार्थ्यांना दर्जेदार, आधुनिक आणि स्पर्धात्मक शिक्षणाची संधी उपलब्ध होणार आहे.
CBSE मान्यताप्राप्त असलेल्या या शाळेत नर्सरी ते बारावीपर्यंत LEAD संचलित अभ्यासक्रम राबविला जात असून, इयत्ता १० वी व १२ वीचा दरवर्षी १०० टक्के निकाल ही शाळेची खास ओळख ठरली आहे. यासोबतच स्कॉलरशिप, मंथन, नवोदय व सैनिक स्कूल परीक्षांमध्येही विद्यार्थ्यांनी १००% यश मिळवले आहे.
विद्यार्थ्यांच्या सर्वांगीण विकासावर भर देत शाळेत रोबोटिक्स व AI लॅब, ब्रम्हांड लॅब, डिजिटल क्लासरूम, सुसज्ज ग्रंथालय व संगणक कक्ष यांसारख्या अत्याधुनिक सुविधा उपलब्ध आहेत. तसेच अबॅकस, वैदिक मॅथ्स, JEE-NEET तयारी, व्यक्तिमत्व विकास, योगा, नृत्य व संगीत प्रशिक्षण यांद्वारे विद्यार्थ्यांच्या कौशल्यविकासाला चालना दिली जाते.
शाळेच्या सुरक्षिततेसाठी संपूर्ण परिसर CCTV देखरेखीत असून, RO पाणी, संरक्षित भिंत, स्कूल बस सुविधा, भव्य खेळाचे मैदान, व्यायामशाळा तसेच MPSC स्पर्धा परीक्षांसाठी विशेष लायब्ररी व मार्गदर्शनाचीही सुविधा उपलब्ध आहे.
या उद्घाटन समारंभास परिसरातील पालक व विद्यार्थ्यांनी मोठ्या संख्येने उपस्थित राहावे, असे आवाहन संस्थेचे अध्यक्ष ईश्वर (तात्या) गावडे, प्राचार्य गिरिधर गावडे, उपप्राचार्या पूनम जाधव, मॅनेजर सोनाली मोरे व सर्व शिक्षक-शिक्षकेतर कर्मचारी यांनी केले आहे.
— गुणवत्तेची परंपरा जपत, आधुनिक शिक्षणाचा नवा अध्याय सुरू करण्यास ब्लूम इंग्लिश मीडियम स्कूल सज्ज!
