संपादक : पोपट मारुती मिंड
सेवानिवृत्त संघटनेच्या अध्यक्षपदी लालासाहेब निंबाळकर यांची बिनविरोध निवड
फलटण (आपलं फलटण) फलटण तालुका सेवानिवृत्त संघटनेच्या अध्यक्षपदी माजी विस्तार अधिकारी लालासाहेब हरिभाऊ निंबाळकर यांची एकमताने बिनविरोध निवड करण्यात आली. संघटनेचे विद्यमान अध्यक्ष सदाशिव यशवंत खरात यांच्या निधनामुळे हे पद रिक्त झाले होते.
अध्यक्षपदाच्या निवडीसाठी नुकतीच संघटनेची विशेष बैठक आयोजित करण्यात आली होती. या बैठकीच्या अध्यक्षस्थानी सुभाष देशपांडे होते. बैठकीदरम्यान उपस्थित सदस्यांनी एकमताने लालासाहेब निंबाळकर यांच्या नावावर शिक्कामोर्तब केले.
या वेळी संघटनेचे ज्येष्ठ सदस्य नाना खानविलकर, स. रा. मोहिते, सूर्यकांत इनामदार, रमेश कुचेकर ,भिवरकर यांच्यासह अनेक सदस्य उपस्थित होते. सचिव रामभाऊ कदम यांनी सभेचे इतिवृत्त वाचून संघटनेच्या कार्याचा आढावा सादर केला.
नूतन अध्यक्ष म्हणून निवड झाल्यानंतर लालासाहेब निंबाळकर यांनी संघटनेच्या माध्यमातून सेवानिवृत्त सदस्यांच्या विविध प्रश्नांच्या सोडवणुकीसाठी सातत्याने प्रयत्न करणार असल्याचे सांगितले. सदस्यांच्या छोट्या-मोठ्या अडचणी सोडवण्यासाठी आपले पूर्ण सहकार्य राहील, असा विश्वास त्यांनी व्यक्त केला.
