संपादक : पोपट मारुती मिंड
फलटण(आपलं फलटण प्रतिनिधी)
पुरुषोत्तम (अधिक मास) निमित्त श्री सद्गुरू शंकर महाराजांच्या कृपाशीर्वादाने रविवार, दि. ७ जून २०२६ रोजी विडणी येथे श्री शंकरगीता पारायण सोहळ्याचे आयोजन करण्यात आले आहे. गुरू-शिष्य परंपरेचा गौरव अधोरेखित करणारा हा आध्यात्मिक सोहळा भाविकांसाठी विशेष आकर्षण ठरणार असून मोठ्या संख्येने उपस्थित राहण्याचे आवाहन आयोजकांनी केले आहे.
सद्गुरू शिवाजी महाराज समाधी मंदिर, विडणी येथे आयोजित करण्यात आलेल्या या कार्यक्रमात श्री सद्गुरू शंकर महाराजांच्या पादुकांचे दर्शन, अभिषेक, आरती, श्री शंकरगीता पारायण तसेच महाप्रसादाचे आयोजन करण्यात आले आहे. या धार्मिक कार्यक्रमामुळे परिसरात भक्तिमय वातावरण निर्माण होणार असून पंचक्रोशीतील भाविकांमध्ये उत्साहाचे वातावरण आहे.
कार्यक्रमाची सुरुवात सकाळी १० वा. श्रींच्या पादुकांच्या आगमनाने होणार आहे. त्यानंतर सकाळी ११ वा. अभिषेक, दुपारी १२ वा. आरती, दुपारी १ वा. श्री शंकरगीता पारायण, सायंकाळी ५.३० वा. महाआरती आणि सायंकाळी ६ वा. महाप्रसादाचे आयोजन करण्यात आले आहे.
पारायण सोहळ्यात सहभागी होऊ इच्छिणाऱ्या भाविकांनी पूर्वनोंदणी करावी तसेच पारायणासाठी येताना श्री शंकरगीता ग्रंथ सोबत आणावा, असे आवाहन आयोजकांनी केले आहे.
या धार्मिक उपक्रमासाठी मिलिंद कदम (सांगवी, बारामती), निखिल उर्फ बाबूदादा वाघमारे (धनकवडी, पुणे) आणि जयवंत कर्वे (विडणी, फलटण) यांनी पुढाकार घेतला आहे.
चौकट
श्री शंकरगीता पारायण सोहळा
दिनांक : रविवार, ७ जून २०२६
कार्यक्रम सकाळी १०.०० वा. – श्रींच्या पादुकांचे आगमन.
११.०० वा. – पादुकांना अभिषेक
- दुपारी १२.०० वा. – आरती.
१.०० वा. – भव्य श्री शंकरगीता पारायण - सायं. ५.३० वा. – महाआरती
६.०० वा. – महाप्रसाद
संपर्क : 📞 मिलिंद कदम – ९५५२७११७७७
