संपादक : पोपट मारुती मिंड
फलटण (आपलं फलटण)
महाराष्ट्राचे लाडके उपमुख्यमंत्री स्व. अजित दादा पवार यांच्या दु:खद निधनामुळे यंदा आपला वाढदिवस साजरा न करण्याचा निर्णय फलटण नगरपरिषदेचे नगराध्यक्ष समशेरसिंह हिंदुराव नाईक-दिंबाळकर यांनी घेतला आहे.
२७ मार्च रोजी येणारा आपला वाढदिवस कोणत्याही प्रकारे साजरा करणार नसल्याचे त्यांनी जाहीर केले आहे. तसेच कौटुंबिक कारणांमुळे त्या दिवशी ते बाहेरगावी असणार असल्याची माहितीही त्यांनी दिली आहे.
यावेळी त्यांनी सर्व सहकारी कार्यकर्ते, मित्रपरिवार आणि हितचिंतकांना आवाहन करत कोणत्याही प्रकारचे वाढदिवसाचे कार्यक्रम, शुभेच्छा फलक किंवा सत्कार आयोजित करू नयेत, अशी नम्र विनंती केली आहे.
स्व. अजित दादा पवार यांच्या निधनामुळे संपूर्ण राज्यात शोककळा पसरली असून, या दु:खद प्रसंगी सर्वांनी दिवंगत नेत्याला भावपूर्ण श्रद्धांजली अर्पण करून त्यांच्या कार्याचा आदर्श जपावा, असेही त्यांनी आपल्या संदेशातून नमूद केले आहे.
