संपादक : पोपट मारुती मिंडअनुरूप जोडीदाराच्या शोधासाठी २९ मार्चला पुण्यात हिंदू-शेगर वधू-वर परिचय मेळावा
फलटण (आपलं फलटण प्रतिनिधी) हिंदू-शेगर समाजातील वधू-वरांसाठी अनुरूप जोडीदार शोधण्याच्या उद्देशाने पुणेकर नातीगोती परिवार यांच्या वतीने हिंदू-शेगर वधू-वर परिचय मेळावा २०२६ आयोजित करण्यात आला आहे. हा मेळावा रविवार, दि. २९ मार्च २०२६ रोजी सकाळी १० ते दुपारी २ या वेळेत पर्वती पायथा परिसरातील राजीव गांधी अकादमी हॉल (पंचमी हॉटेलजवळ, ७ वंडर पार्क शेजारी) येथे होणार आहे. मेळाव्याचे हे अकरावे वर्ष आहे.
दरवर्षीप्रमाणे यंदाही या मेळाव्यास समाजातील इच्छुक वधू-वर व त्यांच्या कुटुंबीयांचा मोठा प्रतिसाद अपेक्षित आहे. कार्यक्रमात सहभागी होणाऱ्या प्रत्येक वधू वा वर यांचे सोबत येणाऱ्या व्यक्तीसाठी नोंदणी शुल्क २०० रुपये निश्चित करण्यात आले आहे. या शुल्कामध्ये नोंदणीकृत उमेदवारांची माहितीपत्रके, पोस्टेज खर्च तसेच अल्पोपहाराचा समावेश करण्यात आला आहे.
नोंदणीसाठी आयोजकांनी ऑनलाईन सुविधा उपलब्ध करून दिली असून इच्छुकांनी दिलेल्या लिंकवर आपली माहिती भरून नोंदणी करावी. तसेच नोंदणी शुल्क ऑनलाईन पद्धतीने जमा करून त्याची माहिती संबंधित आयोजकांना व्हॉट्सअॅपवर कळविण्याचे आवाहन करण्यात आले आहे.
हा परिचय मेळावा केवळ हिंदू-शेगर समाजातील इच्छुक मुला-मुलींसाठी असून, पुण्यात स्थायिक असण्याची अट नाही. मात्र, कार्यक्रमात प्रवेशासाठी पूर्वनोंदणी अनिवार्य असल्याचे आयोजकांनी स्पष्ट केले आहे.
अधिक माहितीसाठी डॉ. सोपान इवरे, जयवंत खोमणे, अरुण इरकर, नवनाथ भुरे, आकाश पोंदकुले, अनिल आटोळे आदींशी संपर्क साधावा, असे आवाहन आयोजकांनी केले आहे.
अनुरूप जोडीदाराच्या शोधासाठी २९ मार्चला पुण्यात हिंदू-शेगर वधू-वर परिचय मेळावा
सहभाग नोंदणी लिंक https://forms.gle/rsLCVdTMbK1xvHY26
आपलं फलटण न्यूज
महत्वपूर्ण बातम्यांसाठी खालील लिंक द्वारे आपलं फलटण व्हाट्सअप ग्रुपला जॉईन व्हा
https://chat.whatsapp.com/DknHjOSvumpBHG66gLBOQL?mode=gi_t
