संपादक : पोपट मारुती मिंड
फलटण येथे २२ मार्चला राज्यस्तरीय बेडर-रामोशी समाज वधू-वर पालक परिचय मेळावा
फलटण (आपलं फलटण प्रतिनिधी) क्रांतीनायक वधूवर सूचक मंडळ व साप्ताहिक क्रांतीनायक परिवाराच्या वतीने राज्यस्तरीय बेडर-रामोशी (बेरड) समाजाचा वधू-वर पालक परिचय मेळावा रविवार, दि. २२ मार्च २०२६ रोजी सकाळी ११ वाजता श्री संत सावतामाळी महाराज मंदिर, नाना पाटील चौक, फलटण येथे आयोजित करण्यात आला आहे. या मेळाव्याची माहिती संयोजक शत्रुघ्न जाधव यांनी दिली.
मेळाव्याचे उद्घाटन जय मल्हार क्रांती संघटनेचे अध्यक्ष दौलत नाना शितोळे तसेच अखिल भारतीय बेरड-बेडर रामोशी कृती समितीचे अध्यक्ष मोहन मदने यांच्या हस्ते होणार आहे. कार्यक्रमास प्रमुख पाहुणे म्हणून शिवसेना तालुकाप्रमुख (खेड) रामदास धनवटे, राष्ट्रीय परिवर्तन महासंघाचे अध्यक्ष संजय जाधव, आद्य क्रांतिकारक उमाजी नाईक रामवंशी संघटनेचे अध्यक्ष आप्पासाहेब चव्हाण, उमाजी नाईक प्रतिष्ठानचे अध्यक्ष रवी काका खोमणे, सातारा जिल्हा मध्यवर्ती बँकेचे संचालक तानाजीराव मदने, जेजुरी देवस्थानचे माजी अध्यक्ष पोपटराव खोमणे, जय मल्हार क्रांती संघटनेचे प्रदेशाध्यक्ष अंकुश जाधव, सर उमाजी नाईक क्रांती संघटनेचे अध्यक्ष लखन चव्हाण, खटाव पंचायत समितीचे माजी उपसभापती लहू कुमार मदने आदी मान्यवर उपस्थित राहणार आहेत.
यावेळी आनंदराव जाधव, प्रल्हाद पाटोळे, विलासराव आडके, दीपक मदने, अंकुश चव्हाण, मेजर शामराव मदने यांच्यासह महाराष्ट्रातील रामोशी समाज चळवळीत कार्यरत विविध क्षेत्रांतील मान्यवरांची उपस्थिती राहणार आहे.
या मेळाव्यास रामोशी समाजातील नागरिकांनी मोठ्या संख्येने उपस्थित राहावे, असे आवाहन स्वागताध्यक्ष बाळासाहेब मदने यांनी केले आहे.
