संपादक : पोपट मारुती मिंडफलटण ( आपलं फलटण वृत्तसेवा) : फलटण तालुक्यातील विडणी, बरड व वडले या ग्रामपंचायतींमधील रिक्त जागांसाठी २८ एप्रिल रोजी झालेल्या पोटनिवडणुकीची मतमोजणी बुधवार (दि. २९) रोजी सकाळी ११ वाजता पूर्ण झाली. या निवडणुकीतील विजयी उमेदवारांची माहिती तहसीलदार डॉ. अभिजीत जाधव यांनी अधिकृतरीत्या जाहीर केली.
तालुक्यातील एकूण नऊ जागांसाठी ही पोटनिवडणूक झाली. त्यापैकी विडणी ग्रामपंचायतीत सर्वाधिक सात जागांसाठी निवडणूक पार पडली, तर बरड व वडले येथे प्रत्येकी एक जागेसाठी मतदान झाले.
विडणी ग्रामपंचायत निकाल
विडणी ग्रामपंचायतीत नव्या चेहऱ्यांना संधी मिळाल्याचे चित्र दिसून आले. येथील विजयी उमेदवार पुढीलप्रमाणे –
भरत रघुनाथ कोकरे, दत्तात्रय भिवा अब्दागिरे, कोल्हे वैशाली शरद, कैलास कोंडीबा जगताप, सुष्मिता सागर कांबळे, सचिन नाथा जगताप आणि शांताबाई विष्णू गाडे हे उमेदवार विजयी झाले.
एकूण सात जागांपैकी चार जागांवर भाजपचे, तर तीन जागांवर शिवसेना (राजे गट) समर्थित उमेदवारांनी विजय मिळवला.
बरड ग्रामपंचायत
बरड ग्रामपंचायतीच्या पोटनिवडणुकीत उषा पोपट खटके यांनी विजय मिळवून शिवसेना (राजे गट)चे वर्चस्व कायम राखले.
वडले ग्रामपंचायत
वडले येथे रणजीत मल्हारी सोनवलकर यांनी विजय मिळवला. येथेही शिवसेना (राजे गट)ने आपली ताकद सिद्ध केली.
एकूण राजकीय चित्र
या सर्व जागांवर यापूर्वी शिवसेना (राजे गट)चे वर्चस्व होते. मात्र या पोटनिवडणुकीत भाजपने काही जागांवर यश मिळवत आव्हान निर्माण केले. निवडून आलेल्या सदस्यांपैकी चार सदस्य भाजपचे, तर पाच सदस्य शिवसेना (राजे गट)चे आहेत.
एकूणच, या पोटनिवडणुकीत विडणीत स्थानिक राजकीय समीकरण बदललले असून येथे भाजपला पूर्ण बहुमत मिळाले आहे . बरड वडले येथे राजकीय समीकरणात फरक पडला नाही . या निवडणुकीत भाजप-शिवसेना यांच्यातील स्पर्धा स्पष्टपणे दिसून आली. या पोट निवडणुकीच्या माध्यमातून भविष्यात येऊ घातलेल्या ग्रामपंचायतीच्या निवडणुका भाजप शिवसेनेमध्ये संघर्षमय तुल्यबळ होतील असे चित्र उभे राहिले आहे
