संपादक : पोपट मारुती मिंड
फलटण ( आपलं फलटण ) येथील श्री संत शिरोमणी नामदेव शिंपी समाज विठ्ठल मंदिर देवस्थान ट्रस्टच्या अध्यक्षपदी राजेश हरिभाऊ हेंद्रे यांची सलग तिसऱ्यांदा बिनविरोध निवड करण्यात आली. विठ्ठल मंदिरात पार पडलेल्या वार्षिक सर्वसाधारण सभेत ही निवड जाहीर करण्यात आली.
यावेळी उपाध्यक्षपदी मिलिंद हरिदास गाटे, सचिवपदी राजेंद्र रामदास कुमठेकर यांची निवड करण्यात आली. तसेच सदस्य म्हणून डॉ. राजेंद्र विठ्ठल हेंद्रे, राजेंद्र दत्तात्रय गाटे, देवेंद्र माधव हेंद्रे, श्रीकृष्ण केशव कुमठेकर, कौस्तुभ श्रीपाद टाळकुटे, मृणाल किरण पोरे आणि मंगेश राजेंद्र पोरे यांची निवड करण्यात आली.
निवडीनंतर समाजातील बंधू-भगिनींकडून सर्व पदाधिकाऱ्यांचे उत्स्फूर्त अभिनंदन करण्यात आले. यावेळी फलटण नगरपालिकेच्या महिला व बालकल्याण समितीच्या सभापती सौ. मोहिनी मंगेश हेंद्रे उपस्थित होत्या. त्यांचा श्री संत शिरोमणी नामदेव महाराज विठ्ठल मंदिर महिला मंडळाच्या अध्यक्षा सुलभाताई मोहोटकर यांच्या हस्ते शाल, श्रीफळ व पुष्पगुच्छ देऊन सत्कार करण्यात आला.
अध्यक्ष राजेश हेंद्रे यांनी वर्षभरात ट्रस्टमार्फत राबविण्यात आलेल्या विविध उपक्रमांचा आढावा सादर करत आगामी काळात समाजाच्या सर्वांगीण विकासासाठी अधिक जोमाने कार्य करण्याचा निर्धार व्यक्त केला. सभेला समाजातील मोठ्या संख्येने बांधव-भगिनी उपस्थित होते.
फोटो ओळ : फलटण : श्री संत नामदेव महाराज शिंपी समाज विठ्ठल मंदिर ट्रस्टच्या अध्यक्षपदी निवड झाल्यानंतर वार्षिक अहवाल प्रकाशनावेळी अध्यक्ष राजेश हेंद्रे व मान्यवर समाज बांधव.
