संपादक : पोपट मारुती मिंड
फलटण (आपलं फलटण)
शहरातील बांधकाम कामगारांच्या कल्याणासाठी सामाजिक बांधिलकी जपत सामाजिक कार्यकर्ते अमीरभाई शेख यांच्या पुढाकारातून राबविण्यात आलेल्या उपक्रमाला उत्स्फूर्त प्रतिसाद मिळत आहे. २० ऑक्टोबर २०२५ रोजी त्यांच्या संपर्क कार्यालयात आयोजित विशेष नोंदणी अभियानात तब्बल ३५० बांधकाम कामगारांची नोंदणी करण्यात आली होती.
या नोंदणीकृत कामगारांना मदतीचा हात देत आज, दि. २७ एप्रिल २०२६ रोजी पेटी व विविध संसारोपयोगी वस्तूंचे वितरण समारंभपूर्वक करण्यात आले. फलटण शहरातील प्रसिद्ध हृदयरोग तज्ञ डॉ. जे. टी. पोळ तसेच आदर्श शिक्षक महामुलकर सर यांच्या हस्ते लाभार्थ्यांना साहित्याचे वाटप करण्यात आले.
कार्यक्रमास सामाजिक कार्यकर्ते नंदकुमार मोरे, भारतीय जनता पार्टीचे माजी शहराध्यक्ष अमोल सस्ते, नगरसेवक व पाणीपुरवठा समितीचे अध्यक्ष राहुल निंबाळकर, शुक्रवार पेठ तालीम गणेशोत्सव मंडळाचे ज्येष्ठ मार्गदर्शक अमर आप्पा खानविलकर यांच्यासह गायकवाड सर, नितीन, अय्याजभाई शेख, ताजुद्दीन बागवान, मंगेश बेंद्रे, मोहन पोतेकर, आरबाज शेख, राजू घनवट, दादा मरगळ तसेच पत्रकार नाशीर शिकलगार, राजाभाऊ बोंद्रे, प्रशांत रणवरे, निखिल उपाध्याय आदी मान्यवर उपस्थित होते.
यावेळी अमीरभाई शेख यांनी बांधकाम कामगार व एस.टी. महामंडळाच्या प्रवाशांसाठी विविध सुविधा उपलब्ध करून देण्यासाठी लवकरच आणखी उपक्रम राबविण्याचा मानस व्यक्त केला. या उपक्रमामुळे कामगार वर्गात समाधानाची भावना व्यक्त होत आहे.
🟥 उपक्रमाची वैशिष्ट्ये 🟥
३५० बांधकाम कामगारांची नोंदणी
पेटी व संसारोपयोगी वस्तूंचे वितरण
वैद्यकीय व सामाजिक क्षेत्रातील मान्यवरांची उपस्थिती
कामगार कल्याणासाठी सातत्याने प्रयत्न
एस.टी. प्रवाशांसाठीही सुविधा देण्याचा संकल्प
ही बातमी सामाजिक संवेदनशीलतेचा उत्तम नमुना ठरली असून, कामगारांच्या जीवनात दिलासा देणारा उपक्रम म्हणून तिचे स्वागत होत आहे.
