संपादक : पोपट मारुती मिंड
फलटण ( आपलं फलटण )भारतरत्न डॉ. बाबासाहेब आंबेडकर जयंतीनिमित्त शहरात कायदा व सुव्यवस्था अबाधित राहावी तसेच उत्सव भयमुक्त आणि शांततेत पार पडावा यासाठी फलटण शहर पोलीस ठाण्याच्या वतीने सोमवारी (दि. १३) सायंकाळी भव्य रूट मार्चचे आयोजन करण्यात आले.
सायंकाळी ५.५० ते ६.५५ या वेळेत हा रूट मार्च काढण्यात आला. छत्रपती शिवाजी महाराज चौक येथून प्रारंभ झालेला हा मार्च बारामती चौक, मंगळवार पेठ, धम्मायान चौक, कुरेशी नगर, आखरी रस्ता, पाचबत्ती चौक, रविवार पेठ, उपजिल्हा रुग्णालय मार्गे पुन्हा छत्रपती शिवाजी महाराज चौक आणि डॉ. बाबासाहेब आंबेडकर चौक येथे समारोप करण्यात आला.
फलटण शहर पोलीस ठाण्याचे पोलीस निरीक्षक अरविंद काळे यांच्या मार्गदर्शनाखाली या रूट मार्चमध्ये फलटण शहर पोलीस ठाण्याचे ६ अधिकारी व २७ अंमलदार सहभागी झाले होते. तसेच एसआरपीएफचा एक सेक्शन, होमगार्डचे ४० जवान आणि ४ पोलीस वाहनेही तैनात करण्यात आली होती.
पोलीस दलाच्या या प्रभावी उपस्थितीमुळे शहरात सुरक्षिततेची भावना निर्माण झाली असून, आंबेडकर जयंती उत्सव शांततेत आणि सुव्यवस्थेत पार पडण्यासाठी प्रशासन सज्ज असल्याचा संदेश नागरिकांपर्यंत पोहोचला.
