संपादक : पोपट मारुती मिंड
फलटण (आपलं फलटण) : फलटण पंचायत समितीच्या उपसभापतीपदी अमोल दशरथ सस्ते यांची बिनविरोध निवड झाल्यानंतर त्यांच्या पदग्रहण सोहळ्याचे आयोजन गुरुवार, दि. २ एप्रिल २०२६ रोजी सकाळी १०.३० वाजता पंचायत समिती, फलटण येथे करण्यात आले आहे. या सोहळ्याकडे संपूर्ण तालुक्याचे लक्ष लागले असून राजकीय वर्तुळात उत्सुकता शिगेला पोहोचली आहे.
या पदग्रहण सोहळ्याला महाराष्ट्र विधान परिषदेचे सभापती आमदार रामराजे नाईक निंबाळकर यांच्यासह अनेक मान्यवरांची उपस्थिती लाभणार आहे. तसेच शरदराव कणसे, राजेंद्रसिंह यादव, दिपकराव चव्हाण, संजीवराजे नाईक निंबाळकर, रघुनाथराजे नाईक निंबाळकर, अनिकेतराजे नाईक निंबाळकर आणि विश्वजीतराजे नाईक निंबाळकर यांच्यासह विविध क्षेत्रातील मान्यवर उपस्थित राहणार आहेत.
याशिवाय शिवसेना पदाधिकारी व कार्यकर्त्यांची मोठ्या संख्येने उपस्थिती अपेक्षित असून, जिल्हा व तालुका स्तरावरील संघटनात्मक बळकटीचा देखील या निमित्ताने प्रत्यय येणार आहे. कार्यक्रमासाठी कार्यकर्त्यांकडून जोरदार तयारी सुरू असून परिसरात उत्साहाचे वातावरण निर्माण झाले आहे.
दरम्यान, या पदग्रहण सोहळ्याच्या पार्श्वभूमीवर फलटण तालुक्यातील विकासकामे, संघटनात्मक दिशा आणि आगामी राजकीय घडामोडींवरही चर्चा रंगण्याची शक्यता वर्तवली जात आहे. अमोल दशरथ सस्ते यांच्या नेतृत्वाखाली पंचायत समितीच्या कामकाजाला नवी दिशा मिळेल, अशी अपेक्षा व्यक्त होत असून, हा सोहळा फलटणच्या राजकीय वाटचालीत महत्त्वाचा टप्पा ठरणार आहे.
