संपादक : पोपट मारुती मिंडनाईकबोमवाडी येथे श्री हनुमान जन्मोत्सवानिमित्त भव्य ज्ञानेश्वरी पारायण सोहळा
फलटण (आपलं फलटण) तालुक्यातील नाईकबोंमवाडी येथे श्री हनुमान जन्मोत्सवानिमित्त भव्य ज्ञानेश्वरी पारायण सोहळा व अखंड हरिनाम सप्ताह आयोजित करण्यात आला आहे. हा धार्मिक सोहळा ग्रामस्थांच्या वतीने मोठ्या उत्साहात साजरा होणार असून भाविकांनी मोठ्या संख्येने उपस्थित राहावे, असे आवाहन करण्यात आले आहे.
या सोहळ्याची सुरुवात गुरुवार, दि. २६ मार्च रोजी होणार असून सांगता बुधवार, दि. २ एप्रिल रोजी होणार आहे. सप्ताहात दररोज काकडा आरती, हरिपाठ, ज्ञानेश्वरी पारायण, प्रवचन व कीर्तन यांसारखे विविध धार्मिक कार्यक्रम आयोजित करण्यात आले आहेत.
सोहळ्यात विविध कीर्तनकार व प्रवचनकारांची उपस्थिती लाभणार आहे. ह.भ.प. रवीकुमार महाराज ठोंबरे पाटील,ह.भ.प. नवनाथ महाराज कोलवडकर, ह.भ.प. ओंकार महाराज डांगे, ह.भ.प. प्रेम महाराज सूळ, ह.भ.प. राजेंद्र महाराज मोरे, ह.भ.प. रामदास महाराज कदम आणि ह.भ.प. अशोक महाराज शिंदे आदींची कीर्तने होणार आहेत.
या सप्ताहात कलश पूजन सोहळा मान्यवरांच्या उपस्थितीत पार पडणार असून, विविध भजनी मंडळेही आपली सेवा सादर करणार आहेत. तसेच सप्ताहाच्या दरम्यान रोज काकड आरती, प्रवचन कीर्तन ,श्री ज्ञानेश्वरी वाचन,भजन,जागर इत्यादी धार्मिक कार्यक्रम राहणार आहे.
दि. १ एप्रिल रोजी सायंकाळी ‘श्री’ची भव्य दिंडी प्रदक्षिणा काढण्यात येणार असून, सप्ताहाची सांगता महाप्रसादाने होणार आहे.
हा धार्मिक सोहळा यशस्वी करण्यासाठी समस्त नाईकबोंमवाडी ग्रामस्थ परिश्रम घेत असून, पंचक्रोशीतील भाविकांनी या सोहळ्याचा लाभ घ्यावा, असे आवाहन आयोजकांकडून करण्यात आले आहे.
