संपादक : पोपट मारुती मिंड
फलटण( आपलं फलटण) : फलटण तालुक्यातील वेळोशी परिसरात वन्यप्राण्यांच्या हल्ल्याची घटना घडली असून, घास कापण्यासाठी गेलेल्या शेतकऱ्यावर रानडुकराने हल्ला करून त्यांना गंभीर जखमी केले. या घटनेमुळे परिसरातील शेतकऱ्यांमध्ये भीतीचे वातावरण निर्माण झाले आहे.
आज (शुक्रवारी) सकाळी वेळोशी (ता. फलटण) येथील शेतकरी किसन रघुनाथ रोमन हे आपल्या घरासमोरील रानात घास कापण्यासाठी गेले होते. यावेळी अचानक समोर आलेल्या वन्यप्राणी रानडुकराने त्यांच्यावर जोरदार हल्ला केला. या हल्ल्यात ते गंभीर जखमी झाले.घटनेची माहिती मिळताच ग्रामस्थांनी तातडीने धाव घेत जखमी किसन रोमन यांना उपचारासाठी रुग्णालयात दाखल केले.
दरम्यान, परिसरात रानडुक्कर व इतर वन्यप्राण्यांकडून शेतकऱ्यांवर हल्ल्यांच्या घटना सातत्याने घडत असल्याने शेतकरी भयभीत झाले आहेत. शेतकऱ्यांच्या शेती पिकांचेही मोठ्या प्रमाणात नुकसान होत आहे
याबाबत नुकतेच फलटण-कोरेगावचे आमदार सचिन पाटील यांनी विधानसभेत प्रश्न उपस्थित करून फलटण मतदार संघातील डोंगर कपारी च्या गाव परिसरात वन्यप्राण्यांमुळे शेतकरी व नागरिकांना होणाऱ्या त्रासाकडे शासनाचे लक्ष वेधले होते. तसेच वनमंत्र्यांकडे लेखी निवेदन देऊन शेतकऱ्यांचे व त्यांच्या शेती पिकांचे वन्यप्राण्यांपासून संरक्षण करण्यासाठी तातडीने प्रभावी उपाययोजना राबवाव्यात, अशी मागणीही त्यांनी केली आहे.
चौकट : शेतकऱ्यांमध्ये भीतीचे वातावरण
वेळोशी व परिसरातील शेतांमध्ये रानडुक्करांचा वावर वाढला असून पिकांचे नुकसान तसेच शेतकऱ्यांवर हल्ल्यांच्या घटना वाढत आहेत. त्यामुळे शेतकरी व शेतमजूर शेतात काम करताना सतत भीतीच्या सावटाखाली असतात वनविभागाने तातडीने उपाययोजना करून शेतकऱ्यांना दिलासा द्यावा.
सुरेश रोमन
मा. सरपंच वेळोशी ता. फलट
