महाराष्ट्रात काँग्रेसचे ‘संघटन सृजन अभियान’; तळागाळात पक्ष मजबूत करण्यावर भर

फलटण ( आपलं फलटण)
भारतीय राष्ट्रीय काँग्रेस पक्षाने देशभरात ‘संघटन सृजन अभियान’ हाती घेतले असून, महाराष्ट्रात हे अभियान पक्षाला तळागाळापर्यंत सक्षम व संघटित करण्यासाठी महत्त्वपूर्ण ठरणार आहे. या अभियानाच्या माध्यमातून पक्षाच्या रचनात्मक बळकटीसह कार्यकर्त्यांमध्ये नवचैतन्य निर्माण करण्यावर भर दिला जात आहे.
या पार्श्वभूमीवर आयोजित बैठकीत पक्ष संघटन अधिक मजबूत करण्यासाठी विविध मुद्द्यांवर सविस्तर चर्चा करण्यात आली. आगामी काळात गावपातळीपर्यंत पक्षाची पकड वाढविणे, नवीन कार्यकर्त्यांना संधी देणे तसेच जनसंपर्क वाढविण्याबाबत मार्गदर्शन करण्यात आले.
सदर बैठकीस अखिल भारतीय काँग्रेस कमिटीचे निरीक्षक हिमाचल प्रदेशातील इंदोरा मतदारसंघाचे आमदार मलेंद्र राजन, महाराष्ट्र प्रदेश काँग्रेस कमिटीचे सरचिटणीस संजयजी बालगुडे, राजेंद्र शेलार, प्रदेश प्रतिनिधी डॉ. सचिन सूर्यवंशी बेडके, फलटण तालुका अध्यक्ष महेंद्र सूर्यवंशी बेडके, माण तालुका अध्यक्ष बाबासाहेब माने, फलटण शहर अध्यक्ष पंकज पवार, सेवादल जिल्हा उपाध्यक्ष राजेंद्र खलाटे, अल्पसंख्याक सेल अध्यक्ष अल्ताफ पठाण, बालमुकुंद भट्टड, तालुका उपाध्यक्ष अशोकराव शिंदे, युवक सेल अध्यक्ष गंगाराम रणदिवे, ताजुद्दीन बागवान, ओबीसी सेल शहर अध्यक्ष विकास ननावरे, अभिजित जगताप यांच्यासह पदाधिकारी व कार्यकर्ते मोठ्या संख्येने उपस्थित होते.
बैठकीत ‘संघटन सृजन अभियान’ यशस्वी करण्यासाठी सर्वांनी एकजुटीने काम करण्याचा निर्धार व्यक्त केला.