संपादक : पोपट मारुती मिंड
फलटण (आपलं फलटण) लायन्स क्लब फलटण संचलित लायन्स मुधोजी चॅरिटेबल आय हॉस्पिटल यांच्या वतीने परिसरातील गरजू नागरिकांसाठी सोमवार, दि. १३ एप्रिल २०२६ रोजी मोफत मोतीबिंदू तपासणी शिबिराचे आयोजन करण्यात आले आहे. हा जनहितार्थ उपक्रम माळजाई मंदिर परिसरातील नेत्र तपासणी केंद्र येथे सकाळी १०.०० ते दुपारी २.०० या वेळेत पार पडणार आहे.
या शिबिरामध्ये तज्ज्ञ डॉक्टरांकडून डोळ्यांची मोफत तपासणी केली जाणार असून, मोतीबिंदू आढळलेल्या रुग्णांवर अत्याधुनिक तंत्रज्ञानाच्या साहाय्याने शस्त्रक्रिया करण्यात येणार आहे. आर्थिकदृष्ट्या दुर्बल रुग्णांसाठी मोफत तर इतरांसाठी अत्यंत सवलतीच्या दरात शस्त्रक्रिया सुविधा उपलब्ध करून देण्यात येणार आहे. रुग्णालयात PHACO (सूक्ष्मछेद पद्धत) तसेच SICS पद्धतीने शस्त्रक्रिया करण्याची सोय आहे.
याशिवाय, डायबेटिक रेटिनोपॅथी तपासणी, पेरिमेट्री, बी-स्कॅन, OCT आणि फंडस कॅमेरा यांसारख्या आधुनिक यंत्रणांद्वारे नेत्ररोगांचे निदान व उपचारही करण्यात येणार आहेत.
या शिबिराचा लाभ घेण्यासाठी परिसरातील जास्तीत जास्त नागरिकांनी उपस्थित राहावे, असे आवाहन लायन अर्जुन घाडगे (चेअरमन), लायन चंद्रकांत कदम (सचिव), लायन महेश साळुंखे (अध्यक्ष, लायन्स क्लब फलटण) तसेच व्यवस्थापन समितीने केले आहे. अधिक माहितीसाठी संबंधितांनी रुग्णालयाशी संपर्क साधावा, असेही कळविण्यात आले आहे.
