संपादक : पोपट मारुती मिंड
महाराजा मल्टीस्टेट स्टेटच्या चेअरमनपदी चौथ्यांदा दिलीप सिंह भोसले यांची अविरोध निवड
फलटण (आपलं फलटण प्रतिनिधी) महाराजा मल्टी स्टेट को-ऑपरेटिव्ह सोसायटीच्या चेअरमनपदी दिलीपसिंह भोसले यांची सलग चौथ्यांदा बिनविरोध निवड झाली असून व्हाईस चेअरमनपदी रणजितसिंह भोसले यांचीही बिनविरोध निवड करण्यात आली आहे. या निवडीमुळे संस्थेच्या नेतृत्वात सातत्य कायम राहिले आहे.
निवडणूक निर्णय अधिकारी तथा जिल्हाधिकारी संतोष पाटील यांच्या उपस्थितीत नुकतीच संचालक मंडळाची निवड प्रक्रिया पार पडली. यावेळी अॅड. सौ. मधुबाला भोसले, सौ. प्रियदर्शनी भोसले, अमोल सस्ते, हेमंत फुले, तुषार गांधी, दिपराज तावरे, कुमार भट्टड, डॉ. विलास रसाळ आणि सुभाष आढाव हे संचालक उपस्थित होते.
महाराष्ट्र व कर्नाटक या दोन राज्यांत कार्यक्षेत्र असलेल्या या संस्थेचे सुमारे ५ हजार सभासद असून वार्षिक आर्थिक उलाढाल सुमारे ८०० कोटी रुपयांच्या घरात आहे. चेअरमन दिलीपसिंह भोसले यांनी पारदर्शक कारभार, काटकसरीची भूमिका आणि सभासद व ठेवीदारांच्या हिताला प्राधान्य देत संस्थेला प्रगतीच्या दिशेने नेल्याचे यावेळी नमूद करण्यात आले.
कार्यक्रमाच्या प्रारंभी जनरल मॅनेजर संदीप जगताप यांनी उपस्थितांचे स्वागत केले, तर शेवटी आभार प्रदर्शन करण्यात आले.
