संपादक : पोपट मारुती मिंड
फलटण (आपलं फलटण) आगामी स्थानिक स्वराज्य संस्थांच्या निवडणुकांच्या पार्श्वभूमीवर २५५ फलटण-कोरेगाव विधानसभा मतदारसंघात शिवसेनेकडून संघटनात्मक बांधणीला वेग देण्यात आला असून, पदाधिकारी निवड आढावा बैठक तसेच BLA-2 नोंदणी अभियानाचा आढावा मेळावा बुधवारी (दि. २७ मे) सकाळी १० वाजता कोळकी, ता. फलटण येथील अनंत मंगल कार्यालय येथे आयोजित करण्यात आला आहे.
या मेळाव्यात फलटण नगर परिषद, जिल्हा परिषद आणि पंचायत समिती पंचवार्षिक निवडणुकांमध्ये विजयी झालेल्या मान्यवर सदस्यांचा भव्य सत्कार करण्यात येणार असून, मतदारसंघातील शिवसैनिकांमध्ये उत्साहाचे वातावरण निर्माण झाले आहे.
कार्यक्रमास महाराष्ट्र राज्याचे उद्योग व मराठी भाषा मंत्री डॉ. उदय सामंत यांची प्रमुख उपस्थिती लाभणार आहे. तसेच मतदारसंघातील शिवसेना पदाधिकारी, कार्यकर्ते, लोकप्रतिनिधी आणि विविध क्षेत्रातील मान्यवर मोठ्या संख्येने उपस्थित राहणार असल्याची माहिती आयोजकांनी दिली.
बैठकीत पदाधिकारी निवड आढावा, संघटनात्मक मजबुतीकरण, BLA-2 नोंदणी अभियानाची सद्यस्थिती तसेच आगामी नगरपालिका, जिल्हा परिषद आणि पंचायत समिती निवडणुकांच्या दृष्टीने रणनीती ठरविण्यावर विशेष भर दिला जाणार आहे.
शिवसेना, २५५ फलटण-कोरेगाव विधानसभा मतदारसंघाच्या वतीने आयोजित या मेळाव्याला सर्व शिवसैनिक, पदाधिकारी आणि नागरिकांनी मोठ्या संख्येने उपस्थित राहावे, असे आवाहन संयोजकांनी केले आहे.
