फलटण (आपलं फलटण)आगामी २८ मे रोजी मुस्लिम बांधवांचा बकरी ईद सण शांततापूर्ण वातावरणात साजरा व्हावा, यासाठी फलटण शहर पोलीस ठाण्यात सोमवारी शांतता समितीची संयुक्त बैठक पार पडली. मा. उपविभागीय पोलीस अधिकारी विशाल खांबे, तहसीलदार डॉ. अभिजीत जाधव तसेच पोलीस निरीक्षक अरविंद काळे यांच्या उपस्थितीत ही बैठक घेण्यात आली.
बैठकीस शांतता समिती सदस्य, सामाजिक कार्यकर्ते, मोहल्ला कमिटी सदस्य, पत्रकार, गोरक्षक तसेच कत्तलखाना चालक उपस्थित होते. यावेळी बकरी ईद निमित्त नगरपालिकेकडून तात्पुरता परवाना घेऊनच कत्तलखाने सुरू ठेवावेत, अशा सूचना देण्यात आल्या. तसेच गाय, वासरू किंवा खोंड यांची कत्तल कोणत्याही परिस्थितीत केली जाणार नाही, याची खबरदारी घेण्याचे आवाहन करण्यात आले.
कायदा व सुव्यवस्थेचा प्रश्न निर्माण होईल असे प्रकार आढळल्यास शासनाच्या नव्या परिपत्रकानुसार संबंधित व्यक्ती अथवा टोळीवर मोक्का अंतर्गत कठोर कारवाई करण्यात येईल, असा इशारा प्रशासनाने दिला. तसेच संबंधितांना बीएनएसएस कलम १६८ अन्वये नोटिसाही बजावण्यात आल्याची माहिती देण्यात आली.
तहसीलदार डॉ. अभिजीत जाधव यांनी फलटणची शांतताप्रिय आणि सर्वधर्म समभाव जपणारी ओळख कायम राखण्याचे आवाहन केले. तर उपविभागीय पोलीस अधिकारी विशाल खांबे यांनी कायद्याच्या चौकटीत राहूनच धार्मिक विधी पार पाडावेत, अन्यथा कठोर कारवाई करण्यात येईल, असा इशारा दिला.
बैठकीचे प्रास्ताविक पोलीस निरीक्षक अरविंद काळे यांनी केले.
संपादक : पोपट मारुती मिंड
- इतर
- October 17, 2026
- 2 views
दुष्काळग्रस्त शेतकऱ्यांसाठी सरकारी कर्मचाऱ्यांचे एक दिवसाचे वेतन!मुख्यमंत्री सहायता निधीत योगदान देण्याचे राज्य सरकारचे आवाहन; ऑक्टोबरच्या वेतनातून कपात करण्याबाबत परिपत्रक जारी
आपलं फलटण: मुंबई वृत्तसेवा : राज्यातील दुष्काळी परिस्थितीचा सामना करणाऱ्या शेतकऱ्यांना आर्थिक मदत उपलब्ध करून देण्यासाठी राज्य सरकारी अधिकारी आणि कर्मचाऱ्यांनी ऑक्टोबर २०२६ च्या वेतनातील एक दिवसाचे वेतन मुख्यमंत्री सहायता…
