संपादक : पोपट मारुती मिंड
सातारा (आपलं फलटण) महाराष्ट्र शासनाच्या गृह विभागाने पोलीस अधीक्षक स्तरावरील अधिकाऱ्यांच्या बदल्या जाहीर केल्या असून, सातारचे पोलीस अधीक्षक तुषार दोशी यांची सांगली येथे बदली करण्यात आली आहे. त्यांच्या जागी पुणे येथील पोलीस उपआयुक्त निखिल पिंगळे यांची सातारा जिल्ह्याच्या पोलीस अधीक्षकपदी नियुक्ती करण्यात आली आहे.महाराष्ट्र पोलीस अधिनियम १९५१ मधील तरतुदीनुसार हा बदली आदेश जारी करण्यात आला आहे. राज्यातील विविध जिल्ह्यांमध्ये प्रशासकीय कार्यक्षमता वाढविण्याच्या दृष्टीने या बदल्या करण्यात आल्या असल्याचे शासन आदेशात नमूद आहे.तुषार दोशी यांची सातारा जिल्हा परिषद अध्यक्ष उपाध्यक्ष निवडीच्या वेळची कार्यपद्धती वादग्रस्त ठरली होती. विधानसभेमध्ये त्यांचे जोरदार पडसाद उमटले होते त्यांच्या कार्यपद्धतीबद्दल आरोप प्रत्यारोप झाले होते त्यांच्या निलंबनाच्या कारवाई वरूनही सत्ताधारी भाजप शिवसेना राष्ट्रवादी मध्ये आरोप प्रत्यारोपाच्या फैरी झडल्या होत्या. तुषार दोशी यांना रजेवर पाठवण्यात आले होते. ते कोणत्या रजेवर गेलेत त्या रजेवरूनही जिल्ह्यातील दोन मंत्र्यां मध्ये कलगीतुरा रंगला होता. आता सांगली येथे त्यांच्यावर नवीन जबाबदारी सोपविण्यात आली आहे.दरम्यान, निखिल पिंगळे हे पुणे शहरातील पोलीस उपआयुक्त म्हणून कार्यरत होते. त्यांना सातारा जिल्ह्याचा कार्यभार देण्यात आला असून, त्यांच्या नियुक्तीमुळे जिल्ह्यातील पोलीस प्रशासनाला नवे नेतृत्व मिळणार आहे.या बदल्यांमुळे सातारा व सांगली जिल्ह्यातील पोलीस यंत्रणेत काही प्रमाणात फेरबदल होणार असून, नवीन अधिकाऱ्यांच्या नेतृत्वाखाली कामकाजाला गती मिळेल, अशी अपेक्षा व्यक्त होत आहे.
